تابع أحوال الهمزة المتوسطة
(6 )
(ا)
إذا كانت الهمزة مضمومة وليس بعدها مد بالواو
تكتب الهمزة على الواو
مثل ( تـؤُم ُّ - أؤُلْقِيَ - )
أما مثال (سنقرؤك )تكتب هكذا على رأي سيبويه
أما على رأي الأخفش وهو الرأي الصحيح
فتكتب( سنقرئك) لأن حركة ما قبل الهمزة كسرة
فتكتب على نبرة
(ب)
أما إذا كان بعد الهمزةالمضمومة مد بالواو
فلها حالتان :-
الأولى :
إذا كان الحرف الذي بعد الهمزة يجوز ان يتصل
بالحرف الذي قبلها
أي إنه ( من الحروف المتصلة)"سشيب"
مثال (مسئول - قئول)
فالهمزة تكتب على نبرة وهو الأشهر والأكثر استعمالا
الثانية :
إذا كان الحرف الذي قبلها لا يتصل بما بعدها
أي إنه ( من الحروف المنفصلة ) " د ذ ر ز و"
تكتب الهمزة مفردة مثال (رءوف – رءوس – يقرءون )
وهذه الكتابة مشهورة في الحالتين السابقتين للتخفيف وكثرة الاستعمال
وكراهة اجتماع المثلين
مثل (رؤوس – قؤول ) او غيرهما من الكلمات .
*************
كفاية كدا النهارده
ولسه فيه حالة كمان وننتهي من الهمزة المتوسطة
أتمنى أن يكون الشرح وافيا ولو فيه أي استفسار
أنا تحت أمركم
دمتم بكل الخير
ماما أمولة
هناك ٣٣ تعليقًا:
جميل اوى يا ماما الدرس بتاع النهارده.بس احيانا بنشوف الهمزة المتوسطه مكتوبه هكذا " مسؤل " اشكرك على الاهتمام ومدونة اكثر من رائعه
اتابع تلك المدونة الجميلة وسعيدة بها جدا
تحياتي
اهلا بك يا مسدس
اشكرك
فعلا وانا كمان رأيتها وهي ليست غلط
ولكن الاصح والاشهر والاكثر استعمالاان تكتب (مسئول)
اتمنى ان اكون عند حسن ظنك
دمت بخير
كوشيا حبيبتي
الحمد لله اتمنى ان تستفيدي منها
نفعنا الله ونفعك
على الرغم من أن المدونة ما زالت حديثة النشأة إلا أنها مفيدة جداً
أرجو أن تستمري في مجهودك
يا امه
انا عارف ان انا لما باحضر باحدف طوب في قزايز اللمب الجاز
ما تزعليش مني يا امه
أؤلقي
حسب فهمي .. الألف المهموزة دي تبقى اداة استفهام .. يعني مش من صلب الفعل
دا بقى ها يجرنا لمعمعة سؤال .. و عارف ان امي ها تلبسني الكسرولة في دماغي .. و دا طبعا لاني مشاغب .. و دايما باهيج التلامذة في الفصل
السؤال بقى
هل ينفع ابدا لفظ عربي بهمزة على واو او همزة على نبرة ؟؟؟؟
يعني ندخل في الكلام على طول
أألقي و اللا أؤلقي ؟؟؟؟ و اللا زي الرسم العثماني أءلقي ؟
نرجع للسؤال المهم : هل ينفع نبدا لفظ عربي بهمزة على نبرة او همزة على واو ؟
انا عن نفسي ما اظنش الظن دا
طب مين بقى اللي قال ان أؤلقي يبقى رسم مضبوط ؟
يا ريت نقعد نعمل السطلة و احنا بنناقش النقطة دي
Ahmad Mestarihi
جزاك الله خيرا
ان شاء الله ستستمر المدونة لان هذا العمل خالص النيةلله
ربنا يتقبل ان شاء الله
دمت بخير
ابني المشاغب الاسطى محمود
يا امه
نعم
انا عارف ان انا لما باحضر باحدف طوب في قزايز اللمب الجاز
مافيش لمبات جاز هنا
ما تزعليش مني يا امه
انت عارف اني مش بزعل من الحق
أؤلقي
حسب فهمي .. الألف المهموزة دي تبقى اداة استفهام
صح الهمزة الاولى للاستفهام
.. يعني مش من صلب الفعل
مظبوط
دا بقى ها يجرنا لمعمعة سؤال .. و عارف ان امي ها تلبسني الكسرولة في دماغي .. و دا طبعا لاني مشاغب .. و دايما باهيج التلامذة في الفصل
تلامذتي كبار وواثقين في مدرستهم
السؤال بقى
هل ينفع ابدا لفظ عربي بهمزة على واو او همزة على نبرة ؟؟؟؟
لايجوز طبعا مين قال كدا
يعني ندخل في الكلام على طول
أألقي و اللا أؤلقي ؟؟؟؟ و اللا زي الرسم العثماني أءلقي ؟
{كَذَّبَتْ ثَمُودُ بِالنُّذُرِ * فَقَالُوا أَبَشَرًا مِنَّا وَاحِدًا نَتَّبِعُهُ إِنَّا إِذًا لَفِي ضَلَالٍ وَسُعُرٍ * (أَؤُلْقِيَ) الذِّكْرُ عَلَيْهِ مِنْ بَيْنِنَا بَلْ هُوَ كَذَّابٌ أَشِرٌ * )
الفعل (ألقي)في الآية
فعل مبني للمجهول يعني الضمة هنا عارضة
لبناء الفعل المبني للمجهول
اذا لم يدخل عليها الاستفهام كتبت (ألقي)بضم الهمزة فقط دون كتابتها على الواو
وعند دخول همزة الاستفهام اخذت حكم الهمزة المتوسطة المذكور بالدرس
نرجع للسؤال المهم : هل ينفع نبدا لفظ عربي بهمزة على نبرة او همزة على واو ؟
قلت طبعا لايجوز والشرح اعلاه
وياريت اكون وضحت المعلومة من غير تكسير ولا حدف بالطوب
انا عن نفسي ما اظنش الظن دا
طب مين بقى اللي قال ان أؤلقي يبقى رسم مضبوط ؟
القرآن الكريم و والقاعدة الثابتة المذكورة
يا ريت نقعد نعمل السطلة و احنا بنناقش النقطة دي
كل السلطة بألف هنا وعافية
وانا متشكرة للسؤال الجميل
دمت بخير ابني المشاغب
اموله ..
بصراحه درس مفيد جدااا
وبصراحه اكثر انا اول مرة ادخل المدونه دى :(
وبجد بعتذر لكِ لأنى مزرتهاش قبل كده .
لكن خلاص بعد كده هتلاقينى أول طالبه فى كل درس ..هههههه
لأنى فى حاجه لدروسك جدااا
فأنا لى كوارث مع النحو أو الصرف بصراحه .
هرجع اعيد كل دروسك ..
وبجد شكرا لكِ يا اختى الغاليه
وفقكِ الله للخير دوما
أروح للدروس اللى فاتت .
سلام يا استاذة :)
ضي القمر
اهلا بك حبيبتي
يارب اقدر افيدك ويعجبك الشرح وتستفيدي منه
ولو عايزة اي حاجة اسألي انت بس
وأنا معاكي
نورتيني ياضي
يا امه
http://www.quranflash.com/quranflash.html
صفحة 529
دا موقع القرآن ( القرءان ) بالفلاش
حضرتك شوفي الآية مكتوبة ازاي
نرجع تاني
ما يصحش نبدأ كلمة عربية بهمزة على نبرة أو على واو
و زي ما قلنا ان الهمزة اللي هي اداة استفهام ليست من الكلمة
يعني القاعدة كدا بقى بالصلاة على النبي ما تنفعش
و ان كان الكلام بتاع الاخفش او ابو الاسود حتى انا مش هاخد بيه
النص القرآني بالرسم العثماني ( أءلقي ) و بعدين كمان الرسم العثماني ما يفترضش انه نعتمده مكان الرسم الاملائي لانه ها يدخل الناس في متاهة
احنا ناخد القواعد العامة للرسم الاملائي المألوف و ليس الرسم العثماني او الآراء الشاذة لفطاحل العلماء
و لاحظي يا امه ان حضرتك بتعطي دروس لناس بتغلط في الهمزات و ما يعرفوش الفقرة بين ألف الوصل و همزة القطع
عامل غاغة انا في الفصل انا عارف
بس بجد بجد .. ايه المصدر اللي ذكر ( أؤلقي ) ؟؟؟ مصحف ؟ طيب مطبوع فين ؟؟؟؟؟؟
لانه زي ما حضرتك عارفة .. الرسم العثماني اخد مما كتبه كتاب الوحي يعني النبي عليه الصلاة و السلام وافق عليه يعني يبقى رسم توقيفي
لكن في مواضع كتيرة لا يتفق مع قواعد الرسم الاملائي
فبلاش ادخال القواعد اللي بتناقش الرسم العثماني و اللي ممكن تلخبط الناس اكتر
ما هو مش كل الناس راحوا الكتاب بتاع القرية زي الاسطى و كتبوا اللوح و سمعوا اللوح و الماضي و السورة
اخد حتة شكولاته بقى ؟
يا اسطى
كل ما اذكره في هذه المدونة من كتب موثوق فيها
في علم النحو والصرف والذي يتبع لهم الاملاء
وانا ابسط المعلومة ولا اخلط الامور ببعضها كما تزعم
اشكرك
دمت بكل خير
للاسف لم اتابع الدروس لاني كنت انتظرها في التدوينة و لكنها كانت علي اللينك بالمدونة
اغفري لي جهلي
اذاكر و ارجع امتحن
شكرا لعطاءك و منك اللامحدود
تحياتي
أحــوال الهـوي
اهلا يا دكتور
اكيد التفصير مني وليس من حضرتك
وان شاء الله الدرس القادم سأقوم بالتنويه مباشرة عنه بالمدونة الأخرى
جزاك الله كل الخير
عزيزي الأسطى
بداية أشكرك على اهتمامك ومتابعتك الجيدة، ولا بأس من مراجعة المعلومات الواردة في المدونة. وتصويب ما كان خطأ، فالهدف في النهاية هة نشر العلم باللغة، وتصحيح ما شاع من أخطائنا في الكتابة.
يقول الأستاذ: إسماعيل محمّد الصّلخديّ في المرشد في الإملاء
إذا كانت همزة القطع مضمومة فإنّ همزة الاستفهام تزيل أوّليّتها نحو: أَؤُكرمك؟
بمعنى أنها لم تعد بداية الكلمة، وإنما أصبحت همزة متوسطة، يجري عليها م يجري على الهمزة المتوسطة.
http://jasem.reefnet.gov.sy/esma/emla.htm
وستجد في الصفحة ذاتها قواعد همزة القطع وهمزة الوصل.
كما ستجد ملخصا لها في بداية دروس الإملاء. على الرابط
http://haweyyaty.blogspot.com/2008/07/blog-post_14.html
ومرحبا بك في المدونة في أي وقت.
تحياتي
الكلام كويس و حلو
و احنا الوقتي في مسالة بتتكلم عن ( همزة متوسطة ) متوسطة .. دا اول شئ
الشئ التاني .. همزة الاستفهام .. هل بتلتصق بالكلمة و بتبقى جزء منها ؟ و الللا لازم يبقى فيه فاصل بين اداة الاستفهام ( أ ) و الكلمة اللي بعدها ؟؟؟؟؟؟
النقطة التانية اللي انا قلتها دي تبقى سبب وجيه لعدم اعمال قاعدة الهمزة المتوسطة في الحالة دي
و انا عن نفسي شخصيا مش باتبع القاعدة دي
و لو بصينا في مصحف المدينة المنورة ها نلاقي القاعدة دي مالهاش اثر خالص
يعني ايه يا اسطى ؟؟؟
هاعطي مثال اخلي القاعدة دي لازم تتطبق
زي ايه ؟
أجر ( من الأجرة ) علي حمالا
تعالو نحطها في المضارع
يؤجر علي حمالا
ليه بقى .. لان ياء المضارعة التصقت بالفعل و بقت منه
في الناحية التانية بقى
أنا أكرمك بتفاحة
لما نسال .. أ أكرمك بتفاحة ؟؟؟؟
همزة الاستفهام .. ما بتدخلش في صلب الكلمة اللي بعدها .. و لازم تحط مسافة فاصلة بين همزة الاستفهام و الفعل اللي بعدها .. و علشان كدا همزة ( أكرمك ) تبقى مش متوسطة في الحالة دي
دا راي معاكس لراي الاستاذ الصلخدي ..
راي الاستاذ الصلخدي على عيني و على راسي و اطبقه في الحالة الاولى .. لكن في الحالة التانية لن اطبقه .. و انا مقتنع بما اقول
و اللي عاوز يعرف ان كلامي هو كمان صح يرجع لمصحف المدينة ( سورة القمر ) ( أءلقي الذكر عليه ) و فيه مصاحف تانية بتكتبها ( أؤلقي )
و رأيي صحيح يحتمل نسبة من خطأ .. و رجع غيري خطأ يحتمل الصحة
اظن الالتباس زال الوقتي ؟؟؟؟
و رايي بقى واضح ؟
حيااااااكم
عزيزي الاسطى
رأيك واضح منذ البداية.
وأذكر قولك أنت في تعليق
"فبلاش ادخال القواعد اللي بتناقش الرسم العثماني و اللي ممكن تلخبط الناس اكتر "
وللعلم الرسم العثماني لم يكتب إلا في عهد عثمان بن عفان، ولم يره الرسول صلى الله عليه وسلم. وإنما كتبه زيد بن ثابت رضي الله عنه، كما تكتب قريش في ذلك الزمن. وفقا لأمر عثمان بن عفان. وهذه قصة ليس هنا محلها.
ولذلك فالرسم العثماني لا يقاس عليه في الكتابة.
الخلاف هنا هل تعتبر همزة الاستفهام، جزءا من الكلمة أم لا؟
وأنت لا تريد اعتبارها كذلك. وتريد اعتبارها كلمة حرف مستقل. ببساطة أنت حر. اكتب كما تشاء. ولكن سيكون ذلك مخالفا لما استقر فواعد الكتابة العربية فالصواب هو أنها جزء من الكلمة.
ولسنا هنا في معرض تصحيح كتابات الناس، وإنما نسعى لأن ندل الناس على صواب الكتابة.
ونسأل الله السداد
تحياتي
يا سادة
عليكم بهذا الكتاب
الوسيط في قواعد الإملاء و الإنشاء
مؤلفه الدكتور .. عمر فاروق الطباع
http://s205400488.onlinehome.us/waqfeya/books/17/1654.rar
في الصحيفة رقم 28 تجدون الآتي
تكتب همزة القطع الواقعة في أول الكلمة على الألف . فإذا كانت مفتوحة أو مضمومة كتبت فوق الألف .. و إذا كانت مكسورة كتبت تحت الألف مثل : إلى ، إذا ، إما
تعالوا بقى و ركزوا معايا كويس في الفقرة اللي جاية
أما الحروف التي تدخل على الهمزة الواقعة في ابتداء الكلام و لا تسقط أوليتها فهي : أل التعريف ، لام القسم ، لام الجر ، لام التعليل ، لام التوكيد ، همزة الاستفهام ، الفاء ، الواو ، سين الاستقبال أو حرف التنفيس
نلاحظ و نركز .. لا تسقط همزة الاستفهام أولية همزة القطع
قاعدة مكتوبة في كتاب قيم
مش دا الكلام اللي انا قلته قبل كدا بسليقتي اللغوية ؟؟؟ !!!
احنا مش في معرض خناق .. لا لا لا .. كل واحد بيميل انه يؤيد وجهة نظره
و حضراتكم .. الاستاذ المدني و ماما امولة .. عرضتم وجهة نظركم و اعترضتم على وجهة نظري
انا ما بانكرش اللي قلتوه .. كلامكم صحيح
لكن
من وجهة نظري .. كلامي اصح
ليييييييييه ؟
لان همزة الاستفهام ( ليست من بنية الكلمة التالية لها )
يبقى ايه النتيجة ؟؟؟
نقول كمان مرة علشان الحبايب : همزةالاستفهام .. مالها ؟ لا تسقط أولية همزة القطع .. يعني ايه ؟ همزة القطع تفضل في اول الكلمة .. يعني ما نحسبهاش همزة متوسطة
نقول مثال لاجل الحبايب
يا ولد .. أنا أفقدك صوابك
طب نحطها في سؤال كدا
أؤفقدك صوابك ؟؟ دا على الراي اللي ماما امولة و الاستاذ المدني بياخدوا بيه .. و هو صح
الشكل التاني بقى
أ أفقدك صوابك ؟؟؟ دا الراي اللي بياخد بيه الاسطى .. و الاسطى شايف انه الاصح
يا ريت حبايبنا يستفيدوا من شد الشعر دا
و الافادة اكتر بتنزيل الكتاب القيم جدا
نحط عنوانه بالتجزيئ
http://s205400488.onlinehome.us/
waqfeya/books/17/1654.rar
مع تحيات
الاسطى
ايه دا اول مره اشوف مدونه هادفه بجد بس انا لو حبيت اسرقك اسرق ايه
عموما فلوس الدروس الخصوصيه كتيييييييييير
اه نسيت اقولك اني سرت البت .........اسمها ايه دي
ازيك يا حرامي
اهلا بك نورت المدونة
احنا معندناش فلوس للدروس الخصوصية
لكن ان شاء الله ناخد حسنات
انا مستعدية اديك نصهم بس تستفيد معانا
انا ها اروح وأشوفك سرقت مين؟
سلام
مدونه جميله ياماما اموله دى كانت اول زياره ليا بس اعجبت بيها اوى ومنتطرين مزيدك تحياتى وتقبلى مرورى
أفادكم الله
وجزاك الله خيرا
أمنياتي
الأخت العزيزه مام أموله
ما ندمت على شئ في حياتي قط، قدر ندمي على عدم إتقاني للعربيه وقواعد النحو، ولذا أرجوا من سيدتكم أن تُصلحي لي ما أفسدته( بدون عمد) في كتاياتي
حيث أنني بصدد إن شاء الله طبع ما كتبته في المدونه بينتفع به شبابنا...
وأكون شاكرا إذا أرسلتي لس هذه التصليحات سواء على البوست ذاته.. أو على الإيميل
banna2020@gmail.com
,وإذا شاء رب العالمين وتمت طباعه الكتاب فمن الطبيعي أن يذكر في أوله:
تصحيح لغوي : ماما أموله
أو أسمكم
أما إذا كان هذا الطلب مرهقا لكم ، فسأتفهم هذا بسهوله
دمت بكل الود
كل عيد تعيش فى سلام وتعيد
وتعلو وتسمو ..وعلى نفسك تتسيد
ولا يتحكم فيك اى من كان عبد ولا سيد
وعن الشرور تنأى بعيدا وتتحيد
وتجود بخيرك لغيرك وتكون الجيد
وتصفو وتسامح ولا تكون ابدا كيد
وبالاخلاق والمثل والقيم تتقيد
وتقيم جسور الحب والود وتشيد
بصى بقا ياقمر
انا للاسف بكره النحو والعربي
تابعوا مدونه مش عايزين نتجوز
http://entoeah.blogspot.com/
السلام عليكم
درس مفيد جدا ماما أمولة
بارك الله فيك أختي
السلام عليكم اختى الكريمه ممكن ان توضع مدونتى عندك الرجاء الرد فى مدونتى مدونة اكسجين مصر
أستاذتي الفاضلة لدي مشكلة في نهاية الكلمات مثلاً:
المنافقـ ـين ـون
متى نستعمل الواو ومتى نأخذ بالياء؟
اعذريني لتطفلي وجهلي ولكنني أردت ان أعرف لأتلافى الوقوع في الخطأ
وفقك الله لكل خير
لك مني باقة عبيرها احترام وتقدير
السّلام عليكم ورحمة الله وبركاته .....
أخواتي الكريمات ....
يسر إدارة الحلقات الإلكترونيّة لتعليم القرآن الكريم للنّساء عبر برنامج الاسكايب :
**********************************************************
الإعلان عن بدء التّسجيل في الدّورة المقامة في شهري شوال و ذي القعدة بإذن الله
وعلى الرّاغبات في الالتحاق بالدّورة إرسال إميل للإدارة بطلب التّسجيل
سائلات المولى جلّ وعلا التّوفيق والسداد
البريد الإلكتروني للإدارة :
quran.manager@hotmail.com
جميل يا ماما امولة جميل
إرسال تعليق